62歲周星馳宣佈不婚: 幫萬梓良做過伴郎就夠！

最近，62歲嘅周星馳接受訪問時，被記者問到：「你仲有冇機會做新郎？」星爺笑笑口話：「我做過伴郎就算啦，唔做新郎喇！」記者即刻八卦追問：「你幫邊個做過伴郎？」星爺就透露，佢人生唯一一次做伴郎，就係為咗萬梓良。呢個答案令記者更加好奇，追問萬梓良係咪佢嘅救命恩人？星爺竟然話：「佢比救命恩人更重要！」究竟萬梓良同星爺之間有咩故事？原來呢段緣份要追溯到1987年，兩人合作拍《生命之旅》嗰陣。

萬梓良一句話 改變星爺命運

當年嘅萬梓良已經係TVB一哥，紅到發紫，而周星馳仲係一個默默無聞嘅龍套演員，跑咗10年龍套，拍咗47部戲都未紅過，內心充滿焦慮同自我懷疑，甚至諗住放棄演藝事業。但係，萬梓良同星爺拍咗幾場戲之後，發現佢對角色有獨特嘅想法，於是同佢講：「咦，你幾有天分喎！」呢句話令星爺信心大增，仲請佢食咗碗熱辣辣嘅雲吞麵。之後，萬梓良仲將星爺推薦畀導演李修賢，令佢有機會參演《霹靂先鋒》，仲憑出色表現攞到金馬獎最佳男配角！自此，星爺嘅人生就開始起飛，成為咗家喻戶曉嘅「星爺」。

星爺報恩做伴郎 笑到見牙唔見眼

萬梓良結婚嗰日，星爺特登做佢嘅伴郎，仲笑到見牙唔見眼。喺交換戒指環節，星爺仲搶咗司儀支咪，搞笑咁話：「當年有人請我食雲吞麵，今日我請全場食鮑魚！」如果冇萬梓良當年嘅一句鼓勵同推薦，星爺可能未必會咁快成名。所以話，萬梓良真係星爺嘅伯樂！而星爺為咗報答佢，人生唯一一次做伴郎就係為咗萬梓良。雖然唔係自己結婚，但星爺笑得比新郎仲開心。

周星馳與萬梓良鬧反？萬梓良因為他來自江湖後得了狂燥症

當年萬梓良有意提攜周星馳，所以每次拍戲都特別向導演推薦周星馳：「留意下星仔，多給星仔一些機會。」從此周星馳多了很多機會，所以他也對萬梓良特別尊敬，但兩人鬧翻的轉捩點發生於1989年的TVB電視劇《他來自江湖》。

《他來自江湖》中萬梓良是男主角，周星馳是男配角，但就因為星爺的演技太厲害，無厘頭的搞笑表演將萬梓良的演技都蓋過，外界提起《他來自江湖》都只會記得星爺，所以令萬梓良不太開心，及後更慢慢患上了躁狂症。

黃一山更講到當年萬梓良患上躁狂症後，他在《娛樂新聞眼》中採訪對方時問：「對於星爺的表演、這種無厘頭的風格有甚麼評價？」但就因而令到萬梓良不高興，即時大罵他一頓，不過心知對方患有躁狂症，自己都難以控制，所以都會理解，最後講到：「希望萬子哥能夠忘記過去，重新振作，拍多些好戲給我們欣賞，萬子哥我們支持你。」

萬梓良《喜劇之王》被易角

有傳當年周星馳開拍電影《喜劇之王》，原本場務一角安排咗萬梓良演出，點知最後刪晒佢啲戲份，最後大家見到場務變成吳孟達演出。但成部戲唔見萬梓良，但片尾出又見到「特別鳴謝：萬梓良」 。

當年有份參與電影嘅田啟文（田雞）都有講番呢件事，佢話當年的確係由萬梓良去演場務一角，仲已經拍攝咗一大半，但因為當時萬梓良喺香港要入住酒店，有次翌日嘅通告由早班變咗夜班，因為當時通訊科技冇咁發達，製片就通知咗酒店員工代通知萬梓良，點知佢當晚同人傾完生意冇返酒店，仲自己一早直接去咗片場開工，點知見到人影都冇隻就火都嚟。田雞當時收到製片求救電話先知出咗事，極速飛去片場拆彈，一落車就見到周星馳同萬梓良已經棟咗喺度，其他人都鴉雀無聲，氣氛恐怖。

正當仲未諗到點拆彈之際，田雞急步而上，點知神推鬼擁下自己仆咗落地，咁啱就跪正喺萬梓良身邊，萬梓良就問佢︰「點解跪我？」田雞打蛇隨棍上：「我做錯事跪你係好應該嘅。」就係咁萬梓良條氣順晒，成件事化險為夷。不過，套戲最後點解Cut晒佢嘅戲份？原來，萬梓良開拍前已講明完工日期，要飛去外地為姪女做主婚人，點知拍攝期間進度受阻一改再改，加上賀歲檔期逼近，等唔切佢返嚟再補拍，最後由周星馳出面親自同佢講要易角，搞咗一輪2人笑晒口咁離開。據知，萬梓良有收足片酬，而周星馳亦喺片尾出番特別鳴謝畀萬梓良，皆大歡喜。