愈放假愈疲勞? 你提早衰老了! 請你立即改掉這3個壞習慣!

一到星期六日，就會瞓到黃朝白晏，好似要將返工個五日瞓唔夠嘅時間一次過補返晒，但專家話你知，咁搞法只會令你以後愈來愈攰，加速衰老！唔想變成咁？以下幾個壞習慣一定要改走佢！

1. 將早餐午餐當成一餐來食

放假瞓晏咗，過咗食早餐嘅時間，索性等埋lunch一齊食，相信呢個應該係唔少人嘅生活寫照。

不過咁樣做其實會對個胃造成好大負擔，因為個胃空咗差唔多半日，然後要一次過應付你食多咗嘅野，諗下都覺得佢好辛苦。呢個情況下，身體就會發出一啲警告信號比你，例如出現胃痛、腹賬等，

而且，餓咗咁耐，身體對營養吸收嘅需求會更加大，加上你通常會食快餐來做Brunch，脂肪同糖分都咁高，所以食少餐可能唔會瘦啲，反而有機會令你肥咗！

2.返工坐成日，放假又坐成日

出面又熱又晒，唔想出街係非常能夠理解嘅，但都唔好長期攤係張床／梳化到

因為星期一至五都已經長期坐起到，到放假都唔願郁的話，頸椎健康會變差，新陳代謝都會受到影響。偶爾出出汗可以將身體入面嘅廢物、毒素帶走，對身體好好多～

3. 遲瞓遲起

通常上班族去到Happy Friday都會忍唔住同朋友去飲返杯，飲夠玩夠先至返歸，第二日就會瞓到11,12點，但其實咁做會擾亂咗身體入面個生理時鐘，將佢強行拖後幾個鐘，對身體造成頗大影響。

醫學研究表明，生長激素分泌同人體表皮細胞新陳代謝，最活躍嘅時間都係凌晨12-3點。呢個時間仲狂歡緊，就會影響細胞再生的速度，導致肌膚老化，keep住咁樣落去，你好快就可以喺自己塊面見到歲月嘅痕跡。